Најмалку 22 лица загинаа, а исто толку се повредени при експлозија во близина на хемиска фабрика во северната кинеска провинција Хебеи.
На видео снимката, објавена на државната телевизија се гледа црн чад и пламен, како и изгорени автомобили и камиони долж улицата, пренесе „Ројтерс“.
Огнот зафати 50 возила, а како што се наведува, поради експлозијата стопирано е производството во фабриката за хемиска индустрија што се наоѓа во близина.
Кинеските медиуми пренесуваат дека пожарот е изгаснат.
