Полицијата во викендичка на струмичанец во Берово пронашла 185 килограми марихуана, информираше МВР.
-Дрогата е пронајдена на 27.11.2018 година, во време од 19.40 часот до 21.30 часот, во викенд куќа на место викано „Суви Лаки“, атар на општина Берово, сопственост на лицето: М.П (63) од Струмица, а која ја користи и неговиот син М.П.(21) од Струмица. Врз основа на Наредба од Судија на претходна постапка при Основен суд – Берово, извршен е претрес на дом и помошни простории. При што во помошна просторија (остава-шупа), пронајдена е марихуана спакувана во 18 полиетиленски кеси со маса од околку 185 килограми, велат од МВР.
По превземените истражни дејствија, во викенд куќата исто така пронајдена е марихуана. Лицето М.П (21) од Струмица е лишено од слобода и задржано во СВР Струмица.
СВР Струмица работи на целосно расчистување и документирање на настанот по што ќе биде поднесен соодветен поднесок.
