Успешно се извадени 106 капсули кокаин од стомакот на жена која се обидела да ги шверцува во Индија, соопшти индиската полиција.
Дваесет и петгодишната жена со странско државјанство била уапсена на 14 мај на меѓународниот аеродром во главниот град на Индија, Њу Делхи.
Според информациите, таа поминала една недела во болница каде што ѝ била дадена терапија за да закрепне од кокаинот. Се проценува дека дрогата има вредност од над 730 000 долари.
Полицијата претпоставува дека жената ги голтнала капсулите во Сао Паоло, Бразил, и ѝ било кажано да ги пренесе во Делхи на лица со нигериска националност. Полицијата сега трага по тие лица на кои жената требала да им ја испорача дрогата.
