Го пријавила сопругот дека дома чувал бомба
Жена од кавадаречкото село Росоман го пријавила својот сопруг во полиција оти дома чувал рачна бомба пет години, информираше МВР.
Во ПС Кавадарци вчера се јавила Р.М.(65) која рекла дека во семејната куќа во селото Росоман нејзиниот сопруг З.М.(51) околу пет години чувал бомба.
Од страна на полициски службеници излезено е на местото на настанот и во една од собите во куќата била пронајдена експлозивната направа.
Бомбата била одземена и предадена за понатамошна постапка на службите од Дирекцијата за заштита и спасување.
Се работи на расчистување на случајот.
