Жена влегла во апаратот за проверка на багаж бидејќи се плашела да не ѝ ја украдат торбата
Чуден инцидент доживеа обезбедувањето на железничка станица во Кина, откако една жена влезе во апаратот за проверка на багажот, сакајќи да ја има на око својата торба.
Обезбедувањето кое преку рентген го проверува багажот на патниците се шокирало кога на мониторот ја здогледале женската силуета.
Жената се качила на подвижната лента и на колена се навалила над торбата.
Подоцна таа објаснила дека се плашела оти некој ќе ѝ ја украде торбата доколку таа не е покрај неа.
