Екс уредничката на дневниот весник од изданијата на МПМ „Утрински весник“ Соња Крамарска ќе биде дел од кабинетот на министерката за одбрана Радмила Шекеринска, но засега е ангажирана хонорарно со договор на дело.
Според информациите кои ги пренесе министерството за одбрана искуството на Крамарска било пресудно да биде ангажирана за подобрување на транспарентноста и отчетноста, па така таа најдобро ќе се вклопи во одделот за комуникација со јавноста.
Да потсетиме дека Крамарска во 2016 години по големите промени во МПМ беше разрешена од функцијата главен и одговорен уредник на „Утрински“ кој тогаш беше еден од најкритичките весници кон власта на Никола Груевски. Подоцна сите изданија на МПМ пропаднаа.
