Другарките на осмооделенка во Тетово пријавиле кај директорот дека татко и сексуално ја вознемирува
Директор на основно училиште во Тетово пријавил вчера во полициска станица дека таткото на една ученичка сексуално ја вознемирува. За случајот дознал од две други ученички од осмо одделение, кои кажале дека нивната 14-годишна другарка била психофизички и сексуално малтретирана од страна на нејзиниот татко.
Во извршен разговор со директорот, девојчето го потврдило кажаното.
Од полицијата велат дека врз неа бил извршен гинеколошки преглед и констатирано е дека нема видливи повреди, по што е земен брис за вештачење.
Таткото на девојчето е приведен во полициска станица и известен е јавен обвинител. Од полицијата додаваат дека се преземаат мерки за целосно расчистување на случајот.
