Технолошките и интернет компании сè повеќе доминираат на берзите за сметка на традиционалните индустрии, Кина е на врвот.
По сите зголемувања на цената на акциите, ние би можеле и сами да претпоставиме – „Apple“ останува најскапата јавна компанија во светот. Иако и оваа година американските компании доминираат на листата на највредните компании во светот во однос на пазарната капитализација, кинеските компании продолжуваат да напредуваат брзо – бидејќи за разлика од претходната година, кога 12-те највредни јавни претпријатија беа од САД, сега со „Tencent“ и „Alibaba“ во TОП 10 имаме два кинески претставници на технологијата.
Освен тоа станува јасно дека технолошките и интернет компаниите се повеќе доминираат на берзите за сметка на традиционалните индустрии, станува јасно од анализа на консултантската компанија „Ernst & Young“ (EY). Во рангирањето лидери „Apple“, „Alphabet“, „Microsoft“, „Amazon“ и „Facebook“.
Друг важен тренд: Најскапите 100 компании во светот стануваат и се поскапи. Пазарната вредност оваа година се зголеми за околу една четвртина до повеќе од 20 илјади милијарди долари, според податоците на „EY“. Цената на акциите на „Apple“ порасна за повеќе од 40% од почетокот на годината, па така акциите во моментов чинат околу 170 долари, па дури и достигнаа рекордно ниво од 177,20 долари во декември, а пазарната вредност изнесува околу 876 милијарди долари (736 милијарди евра).
На второ место, како и во претходната година, но со малку поголема разлика, е компанијата мајка на „Google“, „Alphabet“ со капитализација од околу 733 милијарди долари, а на третата позиција е „Microsoft“ со 661 милијарди долари. На четвртата и петтата во оваа година се „Amazon“ и „Facebook“ со капитализација од 570 и 516 милијарди долари.
На шестата позиција е првата компанија надвор од технолошкиот сектор – „Berkshire Hathaway“. Инвестицискиот фонд на Ворен Бафет беше трет во претходните години. При тоа и тоа акционерско друштво додаде повеќе од една петтина до вредност на берзата, но цените на технолошките гиганти се зголемија многу повеќе.
„Tencent“ и „Alibaba“ од Кина следат на седмата и осмата позиција. Во претходната година, двата бренда беа на 13-то и 19-то место, а една година порано – дури и подалеку. Но, пазарната капитализација на „Tencent Internet Company“ и онлајн трговецот на мало „Alibaba“ се зголеми повеќе од двапати во оваа година.
На деветтото место е американскиот фармацевтски концерн „Johnson & Johnson“. Со Американската банка „JP Morgan“ завршува ТОП 10 и е највредната банка во светот. „Exxon Mobile“, моментално најскапата јавна нафтена компанија, забележа пад за пет места (11-та позиција). Индустријата беше генерално под притисок поради пониските цени на нафтата.
Што сè уште покажуваат податоците за „EY“? Повеќе од половина од 100-те највредни компании (52) се од САД. Во 2016-та година, нивниот број беше повисок – 55. Кина (и Хонг Конг) следат со 14 компании (11 од пред 12 месеци). Германија и Велика Британија следеа на третото место со по шест компании (како што беа и минатата година).
