Штипјанка вчера пријавила во полиција дека била измамена од лице кое го запознала на „Фејсбук“ на крајот на октомври минатата година.
Според пријавата на 54-годишна жена, пријателот на „Фејсбук“ и се претставил дека е од САД и дека е војник во Авганистан. Тој во декември 2018 година и кажал дека наводно бил повреден, а од авганистанските власти му биле исплатени 850.000 долари, пари, кои тој не можел да ги внесе во САД . Потоа и рекол дека парите ќе и ги испрати на неа, а таа требала само да ги подмири трошоците на агенцијата- Routenet Express за да можат парите да пристигнат во Македонија.
Жената се согласила и во периодот од 26.12.2018 до 29.01.2019, во неколку наврати уплатила вкупно 7.300 евра и 1.590 долари на агенцијата. Парите требало да пристигнат до 20.02.2019, но до денот на пријавувањето не ги добила, по што заклучила дека била измамена.
Полицијата го расчистува случајот.
