Скопје конечно се развива стратешки и плански и со граѓаните ќе направиме договор јас да бидам тој што ќе го води градот, кажа кандидатот за градоначалник на СДСМ, Петре Шилегов во гостувањето на Телма телевизија.
-Граѓаните имаа определен гнев кон одредени политики што беа спроведувани на различни нивоа, но симбиоза со граѓаните ќе се постигне во вториот круг од изборите. Во првиот изборен круг беше убаво што многумина се изразија и дисперзијата на гласовите беше легитимна и очекувана, но се надевам дека ќе ми биде дадена поддршката во вториот изборен круг, рече Шилегов.
Според него, сега изборот е многу поедноставен, односно дали сакаме Скопје од 2017 година, кој 27 години бил владеен од ВМРО-ДПМНЕ или ќе градот ќе продолжи брзо да се развива.
-Вториот изборен круг започнува од 0-0. Госпоѓа Арсовска не понуди систем, туку листа на желби, заклучи Шилегов
