Португалецот Кристијано Роналдо по 12 години се врати во редовите на англискиот фудбалски премиерлигаш Манчестер јунајтед. Повратникот на „Олд Трафорд“, Роналдо брзо се адаптира на старо-новата средина, а поранешниот тренер на Тотенхем, Тим Шервуд му предвидува уште поголеми успеси. Шервуд кој во текот на кариерата играше за неколку премиерлигашки клубови, вели дека Јунајтед ќе го отпушти Оле Гунар Солскиер ако не освои некој голем трофеј во следните 18 месеци и ќе го прекомандува Роналдо на тренерската клупа.
-Можам да го видам Роналдо на клупата на Јунајтед за 18 месеци. Мислам дека ќе стане тренер во моментот кога ќе ја заврши кариерата. Тој почна да им дава инструкции на своите соиграчи уште пред неколку години. Можам да се обложам дека ќе стане тренер на Јунајтед за 18 месеци, ако Солскиер нема добри резултати, вели Шервуд.
