Денеска во Букурешт беше извршена ждрепката за Европското првенство 2020. Македонија преку лигата Д од Лигата на нации може да се пласира на континенталното првенство.
Од селекцијата на Романија ќе зависи дали ќе играме во групата Ц каде што сме извлечени, или ќе се префрлиме во групата Ф која е најатрактивна.
Во групата Ц која ќе се игра во Амстердам и Букурешт се Украина, Холандија и Австрија.
Додека во групата Ф која е убедливо најсилна се селекциите на Германија, Франција и Португалија, натпреварите ќе се играат во Минхен и Будимпешта.
Романија е во лигата А од Лигата на нации, тие во полуфиналето играат против Исланд, а во другата полуфинална двојка таму се Бугарија и Унгарија. Доколку Романците се пласираат на ЕП тие ќе мора да играат во група каде што домаќин е Букурешт, па затоа нашата селекција би се префрлила во групата Ф.
Но, македонската репрезентација најпрво треба да се фокусира на полуфиналето против Косово кое го играме на 26 март, и евентуалното финале кое е пет дена подоцна.
ГРУПА А (Рим и Баку): Италија, Швајцарија, Турција, Велс.
ГРУПА Б (Копенхаген и Санкт Петербург): Белгија, Русија, Данска, Финска.
ГРУПА Ц (Амстердам и Букурешт): Украина, Холандија, Австрија, победник од Д од Лига на нации (условно).
ГРУПА Д (Лондон и Глазгов): Англија, Хрватска, Чешка, победник од Ц.
ГРУПА Е (Билбао и Даблин): Шпанија, Полска, Шведска, победник од Б. јз
ГРУПА Ф (Минхен и Будимпешта): Германија, Франција, Португалија, победник од А од Лига на нации (условно).
