Властите во Турција уапсија две лица по инцидентот кој утрово се случи во близина на австриската амбасада во Анкара, објавија официјални претставници.
Недалеку од австриската амбасада во турскиот главен град, утрово од автомобил во движење беа испукани куршуми во воздух, извести турската агенција „Анадолија“ и наведе дека полицијата ги блокирала околните улици, пренесе агенцијата АП.
АП наведе дека сé уште не е јасно дали амбасадата била цел на нападот.
Сличен инцидент се случи во август, кога три куршуми испукани од возило во движење ја погодија портата на американската амбасада во Анкара, но никој не беше повреден.
