Тајландската хунта ја укина забраната за политичка кампања пред изборите во 2019 година, пренесува РТ. Овој потег доаѓа повеќе од четири години по забраната наметната по последниот државен удар во кралството.
Еден од првите потези на војската по преземањето на власта во мај 2014 година беше да се забрани политичка активност од сите видови. Забраната официјално беше укината денес, поради што Изборната комисија го потврди датумот за избори за 24 февруари.
„Политичките партии треба да бидат во можност да се борат да ги претстават своите политики. Хунтата одлучи да ги измени или укине законите кои би можеле да ги спречат кампањите пред изборите “, се вели во наредбата потпишана од водачот на хунтата, Прајут Чан-О-Ча.
