Претседателскиот кандидат Блерим Река ја продолжи својата кампања во Боговиње, каде што се сретна со граѓаните од овој регион.
За време на митингот Река беше придружуван од лидерот на Алијансата за Албанците, Зиадин Села, а исто така и од лидерот на Движењето Беса, Билал Касами, кој потенцира дека во овие избори нема каков било кандидат, туку го има Блерим Река.
„Тука сме за да покажеме дека професорот Река е најдобар избор за сите Албанци. Професорот Река со поддршката на сите Албанци ќе го помине вториот круг и ќе биде победник на овие избори. Покана кон сите Албанци, Македонци, Роми да гласаат за професорот Блерим Река, затоа што е најдобар избор и најдобар кандидат за Македонија”, истакна Касами.
Села во текот на средбата јасно потенцира дека поддршката за професорот Блерим Река е правниот пат што треба сите да го следат.
„Дел сме од претседателските избори и сите треба да го следиме овој пат. Ова е симболика на патот на победата. Со вашата поддршка, одиме со глава нагоре на изборите и ние нема да станаме дел од тие коишто се срамат што поддржуваат одредени кандидати. На 21 април продолжуваме кон победата, сите да го поддржиме Река”, порача Села.
Во текот на средбата Река ѝ даде посебна важност на слободата на гласачот, а не диктатот на другите партии.
„Вашата присутност во овој голем број потврдува дека сте против диктатот. Дел сме од едно време каде владејачките албански партии го спротивставуваат единствениот албански кандидат. Владеење на поединецот, пак, ја приватизира државата. Цели 11 години имавме заробена и приватна држава“, истакна Река.
