Претседателот, Стево Пендаровски, денеска во 14.00 часот ќе и се обрати на нацијата по повод разврската на Самитот на ЕУ лидерите во Брисел, каде не беше постигната одлука за почеток на преговори со Македонија и Албанија.
Во тек се политички консултации на повеќе нивоа, се разгледуваат и анализираат сите опции, велат од Владата за МИА во врска со следните чекори што ќе бидат преземени по состанокот на лидерите на ЕУ во Брисел на кој се решава за пристапните преговори со Северна Македонија.
Анализи и консултации се вршат и во политичките партии, а веќе има најава и за можна лидерска средба кај претседателот на државата Стево Пендаровски.
