Општина Бутел во изминатиот период презеде повеќе активности за заштита на здравјето на граѓаните и спречување и ширење на коронавирусот.
Имено, се миеја локалните улици и урбаната опрема, извршена е дезинфекција на сите училишта и градинки, направена беше дезинфекција на станбените објекти, детските игралишта, платоата на Трговските Центри во Живко Брајковски – Бутел 1 и во Радишани.
Денеска комуналната служба на Општина Бутел , ги дезинфицираше просториите и дворот на Полициската Станица во Бутел, вонредна дезинфекција на Амбулантата во Бутел, Поликлиниката и Брзата Помош во Чаир.
Локалната самоуправа продолжува со секојдневните активности за чистење и дезинфекција на јавните објекти и површини.
