– Ново детско инклузивно игралиште за деца со попреченост денеска официјално беше отворено во Општина Карпош, на улицата „Веселин Маслеша“. Во игралиштето има поставено адаптирани реквизити токму за овие деца, но и стандардни и фитнес реквизити за рекреација.
Градоначалниците на Општина Карпош и Град Скопје, Стефан Богоев и Петре Шилегов денеска го посетија игралиштето и испратија апел граѓаните совесно да ги употребуваат реквизитите.
-Денеска овде во Карпош 2 и официјално се пушти во употреба ова инклузивно игралиште, направено од Градот Скопје. Се работи за игралиште кое има и реквизити и за дечињата со попреченост но и стандардни реквизити како и дел фитнес реквизити за рекреација. Ја одбравме оваа населба Карпош 2 бидејќи статистички во основното училиште „Верац“ кое е реонско училиште има најголем број на дечиња со попреченост. Се надевам дека тому поради тој факт маскимална ќе биде искористеноста, рече Богоев.
Инвестицијата, како што додаде градоначалникот Шилегов, е околу 2.900.000 денари. Појасни дека Градот ќе продолжи да вложува во социјалната сфера, со цел секој граѓанин да добие еднаква шанса.
-Градот Скопје континуирано продолжува со инвестиција во делот на инклузивноста на сите наши сограѓани. Игралиштето е направено со адаптирани реквизити за да можат децата слободно и комотно да ги употребуваат, и е со сите заштитни мерки кои се потребни, вклучително и гумиран под. Искрено верувам дека секој човек и граѓанин има право на еднаква шанса, а ние како инстиуции сме должни тие шанси да им ги даваме, рече Шилегов.
https://www.facebook.com/CityofSkopje/photos/pcb.3142760065770184/3142755969103927/?type=3&__tn__=HH-R&eid=ARD9y-d5MNeBVfDj8t4lI2DGvDdXt4C_p07glscMoz74dEbKxTMzn_qPKLyYJgOTCVF-cboGCRSpaYYp&__xts__%5B0%5D=68.ARB1mbViuO__MVETrkatXba1eUgZjXMIEr37xz72vnkrWIjn5q98LiAq4dbVadgFxh1MD4JZ7ZndwsqRPl55v_NcsgqI8xpPwShmYDAqOAqL7lX10ube3YvrDdGs2xbeLcUgTeFq00IkFe6xsTOV2z7cA_IdykuydiFGIywS_heYQWfYQaD9Sw8mDnFvwquMn5onROOnGgmb6Qf6H8iAyXBj2UMtt5w7eAsnIsgQyhceBl7nmkl2CogJmT9nbzf-t1pw6tPlDXeAk0u7_geZ2_IPV_lLqFITYfk4C7LhJaftle-2lkqjQlmkH_m6mME86J3p2efASxEfQR50jCnS01saxlK8Qib7EsoT5lTgVJ1hWHKojCM923WUIv83hZMljohYDoihh5Vx_AqOpSaqUPjCASBUXSpP1K63ucG7I_1RO_4XDhoFWgS77ZRDfRyA3BHb35GDZOiGqskialY9Ra9XGuELDkUM785JuqvGY1jcDZK4-DDgd-Wh6LOnyi_98sJE3H2mDzfyR7d-yPeyGckmtg
