На линкот https://www.dimkamiteva.mk/rechnik–na–sintagmi–izrazi–i–poluiz е објавен Речник на синтагми, полуизрази и изрази во македонскиот јазик, во седум тома од авторката проф. д-р Димка Митева (македонист, славист). Македонската и светската јавност, преку слободен пристап (бесплатно) за сите интернет-корисници добива на увид над 4.000 страници лингвистички текст.
Авторката Димка Митева (https://www.dimkamiteva.mk/biografija) во оваа 2020 година ќе наполни 50 години од својата научноистражувачка дејност на полето на македонскиот јазик. По тој повод на авторската веб-страница https://www.dimkamiteva.mk/ ќе бидат претставени уште нови нејзини 5.000 страници научен материјал за македонскиот јазик, содржани во трудовите: “Прав речник на македонскиот јазик”, “Речник на интернационализмите во делото на К. П. Мисирков” и “Толковен речник на Цепенковите приказни”.
Со овие дела научно се потврдува и збогатува автентичноста и самобитноста на македонскиот јазик, неговото културно и литературно богатство во континуитет.
