Мексиканскиот Сенат едногласно ја одобри идејата на новиот претседател Андрес мануел Лопес Обрадор за формирање Национална гарда.
Националната гарда ќе се состои од најподготвените припадници на безбедносните сили, вклучително и армијата. Таа ќе биде под одговорност на Министерството за внатрешни работи наместо за одбрана.
Се предвидува да запре употребата на мексиканската војска за гарантирање на редот и борба со криминалот, што е во сила од 2006 година.
– Ќе имаме орган кој ќе ја гарантира внатрешната безбедност, без да ги нарушува правата на граѓаните, изјави сенаторот Едуардо Рамирес. – Војниците треба да ги напуштат улиците на Мексико и да се вратат во касарните и воено-поморските бази, дополни сенаторот.
