– Британската опозициска Лабуристичка партија вети, доколку победи на предвремените парламентарни избори на 12 декември, дека ќе ја национализира мрежата на фиксната линија на националниот телеком за да може секој да добие бесплатен пристап до широкопојасен интернет преку оптички кабли.
Најавата на лабуристите предизвика опаѓање на акциите на британскиот Телеком за 3,7 отсто.
За спроведување на овој план, ќе биде потребно набрзина да се надополни Интернет-инфраструктурата на Велика Британија, а трошоците ќе бидат покриени со зголемувањето на даноците за технолошките компании, како што е „Алфабет”. (Гугл), Амазон и Фејсбук и од Зелениот фонд за трансформација на економијата, велат од партијата.
Лабуристите најавија национализација на Openreach, дигиталната мрежа на најголемиот мобилен оператор, како и делови од Бритиш телеком технолоџи (BT Technology), БТ Ентерпрајз (BT Enterprise) и БТ Консјумер (BT Consumer).
