Охридската полиција поднесе кривична пријава против двајца кумановци на возраст од 33 и 41 година поради сомнение дека продавале хероин во изнајмен стан во Охрид.
Како што информираат од МВР, при претрес во станот на булеварот Туристичка, изнајмен од пријавените, биле пронајдени и одземени повеќе пакувања со хероин, подготвени за натамошна продажба на наркозависници.
Двајцата кумановци се товарат за сторено кривично дело неовластено производство и пуштање во промет наркотични дроги, психотропни супстанции и прекурсори.
