Не постои дискусија за давање право на региони на Украина и Белорусија да ѝ се придружат на Русија преку уставни измени, рече портпаролот на рускиот претседател, Дмитриј Песков, коментирајќи ги извештаите на медиумите, пренесува ТАСС.
„Не сум слушнал за такви идеи, па не можам да кажам ништо. Не сум слушнал како е формулирано тоа. Досега не се водела дискусија за ова прашање. Прв пат слушам за такво нешто,” рече тој.
На 15 јануари, рускиот претседател Владимир Путин потпиша наредба за создавање работна група за уставни измени која се состои од 75 члена, вклучително и политичари, пратеници, истражувачи и јавни личности.
Андреј Клишас, шеф на Комисијата за уставно законодавство и градење на државата во Советот на федерацијата, шефот на Комитетот за државност и уставно законодавство во државната Дума, Павел Крашениников и директорот на Институтот за законодавство и компаративно право под владата на Руската Федерација, Талија Хабриева, се копретседавачи на работната група.
Во понеделникот, Путин поднесе предлог-закон за уставни измени до државната Дума. Предлог-законот вклучува амандмани што Путин ги предложи во обраќањето до нацијата во Федералното собрание на 15 јануари.
