Севернокорејскиот лидер Ким Џонг Ун му испрати на американскиот претседател Доналд Трамп помирлива порака во моменти кога застанаа преговорите за нуклеарната програма на оваа земја, објави денеска јужнокорејски весник.
Пораката на Ким во облик на писмо е предадена во петокот, наведува весникот, повикувајќи се на неименувани дипломатски извори. Во извештајот не се наведуваат детаљи од пораката, но пишува дека се однесува на преговорите меѓу двете земји и дека има помирлив тон.
Вчера канцеларијата на јужнокорејскиот претседател Мун Жае ин објави дека Ким испратил писмо до јужнокорејскиот колега во кое порачал дека сака повеќе меѓукорејски самити во следната година, за да се постигне нуклеарно разоружување на полуостровот.
Ниту американското министерство за надворешни работи ниту американската амбасада во Сеул немале коментар за извештајот за порака на Ким до Трамп.
