Откако беше пренесен во болница поради тешка дехидратација, легендарниот блуз и кантри пејач Кени Роџерс (80) на Твитер им се заблагодари на обожавателите за нивните желби што побрзо да оздрави и порача дека планира да остане тука уште многу години.
„Кени беше подложен на болничко лекување во локалната болница во Грузија и го третираат за дехидрација“, се вели во соопштението на Твитер.
Due to recent wild misinformation and speculation from several media outlets, we are issuing the following statement on behalf of Kenny Rogers: pic.twitter.com/hUhCKgZQdY
— Kenny Rogers (@_KennyRogers) May 31, 2019
Исто така се додава дека Роџерс ќе остане таму додека не ја заврши целосно физикалната терапија за да ја поврати својата сила.
„Ја цени вашата загриженост и добри желби и ве уверува дека планира уште долги години да остане тука“, се заклучува во соопштението.
Роџерс минатата година од здравствени причини мораше да ги откаже сите настапи до крајот на годината и да се фокусира на своето закрепнување.
Во својата долга кариера, Роџерс објави вкупно 76 албуми што ги продал во повеќе од 200 милиони примероци, а по успешната кариера сака да се посвети на многубројното семејство. Се женеше пет пати и има пет деца со четири жени.
