Кандидатот за градоначалник на ТМРО за Општина Штип, Лазар Наумов и претседателот на ТМРО, Ванчо Шехтански на денешната прес-конференција во Штип најавија дека ја почнуваат кампањата преку која ќе ги информираат граѓаните за она што нуди нивната програма.
-Штип како револуционерен град со долга традиција има ретка можност да направи промена на оваа ненародна власт во Штип и на 13 декември масовно со излезност, без бојкот, да направат промена и да гласа за Лазар Наумов. Токму затоа и нашето лого е „Направи промена”, изјави Шехтански.
Програмата на нивниот кандидат за градоначалник, како што посочи, ќе биде презентирана на медиумите и социјалните мрежи. Таа, како што рече, е стручно направена и анализирана.
Кандидатот за градоначалник на Општина Штип од ТМРО, Лазар Наумов ги повика граѓаните на 13 декември да излезат и да гласаат.
