Дополнителниот заменик министер за информатичко општество и администрација, Невенка Стаменковска Стојковски на нејзиниот профил на Фејсбук реагираше за негрижата и непреземањето мерки за заштита на вработените во јавниот сектор од Ковид-19.
„Поради негрижа на Владата на СДСМ и не превземање на заштитни мерки, државните институции се новите потенцијални кластери на Ковид-19. Секој ден слушаме казни, клевети и обвинувања за граѓаните како не ги почитувале мерките за заштита од Ковид-19 а ниту еднаш Комисијата за заразни болести (КЗБ) и министерот Филипче не го слушнавме да спомне а уште помалку да казни било кој функционер за непочитување на мерките во институциите и неспроведување на Законот за безбедност и здравје при работа⁉️
Се затвараат институции, голем дел од вработените се заразени или во самоизолација и никој не се запраша дали на вработените во јавниот сектор им се обезбедени основни услови за работа, лична заштитна опрема, колективна заштитна опрема…⁉️ Функционерите на СДСМ се заштитени од одговорност и единствена задача им е да уживаат во привилегиите кои со ребалансот на буџетот им останаа, да не подлежат на карантин доколку патуваат, да вработуваат неосновано и незаконски и да делат “социјални пакети” за време на пандемија.Лицемерно е да се обвинуваат граѓаните а кластерот на заразени да е најприсутен во државните и јавни институции! Вистинското прашање до министерот Филипче и Караџовски е дали воопшто се пријавуваат заразените со Ковид-19 во институциите? Дали воопшто некој се грижи за вработените во јавниот сектор и за работниците во Македонија при општа хистерија кај Владата да ги обвинува само граѓаните за непочитивање на мерките?
https://www.facebook.com/nevenkastamenkovska/posts/965604660536190?__xts__%5B0%5D=68.ARB3Be-NA2EFg_wHydBiUCZlEsVTtQ0t7Xkef8-csnMnHl60EBNw2X5MZAPzzXy49KVIIZEob0Md8ZpB5BgmID24J12cFOSisuXJF8FSL6htl-g0piiJYrfGmXQKIbuhH2x6vxmBVeCKtcKA_WWT-XigwZ0MnwWBqX89pXeMJCa65XLyH7BDiJOL2tsqSD1jwDtViVURocN-R4uuJhpCinKxekkE6K0PwDca2Dlm9hM9h5LGkyC08rAt-xJkC5S0zYMSWBxQdlfFdux1-W3GW-RcfQvBm3-PXyGXxRThv19iBTM9b7_nv_cRmydLu2BbUWzLBpy1y6aBdlULxPs&__tn__=-R
