Напаѓачот на Милан, Златан Ибрахимовиќ постигна два гола по само 16 минути на натпреварот од 4. коло во италјанската фудбалска Серија А со градскиот ривал Интер. Натпреаврот е во самиот финиш, а води Милан со 2:1.
Швеѓанецот стана најстариот играч кој погодил во дербито на Милано. Денес тој има 39 години и 14 дена.
Претходниот рекорд го држеше Нилс Лидхолм исто така од Милан, кој постигна гол во 1961 година. Шведскиот играч за врска тогаш имаше 38 години 5 месеци и 18 дена.
Ибрахимовиќ го играше својот прв натпревар, откако прележа коронавирус.
Ибрахимовиќ постигна пет гола на три натпревари на почетокот на сезоната во Серија А.
