Сигурно сте се нашле во ваква ситуација, а тој не сакал да ја открие причината зошто одбива да користи заштита. Возбудливиот момент во спалната соба може да згасне во секунда штом се постави прашањето: „Имаш ли кондом?“
Жените се тие кои најчесто го поставуваат ова прашање додека пак мажите максимално го избегнуваат. Меѓутоа, експертите тврдат дека и девојките подеднакво мразат да го поставуваат тоа прашање и се прашуваат зошто секогаш жените се тие кои треба да ја преземат одговорноста кога станува збор за тоа.
Не смееме да заборавиме дека некористењето на кондоми носи ризик од полово преносливи болести. Порастот на бројот на одредени инфекции може да се препише на намалената употреба на заштита во текот на сексуалниот однос, тврдат експертите од австралијанкиот универзитет.
Не треба едната личност во врската да се грижи повеќе од другата во врска со користењето на заштита. И мажите и жените треба да преземат одговорност за сигурен секс. Меѓутоа, изгледа дека жените сè уште го носат поголемиот дел од товарот на свој грб затоа што на мажите кондомите им се “непријатни“.
Сепак треба да научат дека кондомите се дел од животот, важни за сигурноста и дека треба да се навикнат на нив.
