Забрана за камиони на Плетвар и Стража поради обилни снежни врнежи
Поради обилни врнежи од снег е воведена забрана за камиони на Плетвар и Стража, информира АМСМ.
„Денес во 16:30 часот е воведена забрана за движење на тешки моторни возила на планинскиот превој Плетвар, поради обилни врнежи од снег“, велат од АМСМ.
Првично на Стража беше воведена задолжителна употреба на зимска опрема (ланци) за сите моторни возила, но во 16 и 50 часот е воведена и забрана за движење на камиони поради снежните врнежи.
