Три дена после кажаната голема лага во медиумите, ниту Арбен Таравари, ниту неговата партија, фракција на ДПА на Мендух Тачи, Движењето за Реформи во ДПА, и по демантирањето од Тирана и Приштина, не наоѓаат храброст и доблест да се извинат на граѓаните, на Косово и Албанија, обвини ДУИ.
„Само една изјава на бившите соработници на Мендух Тачи ја истакна на површина целата измама која тие ја претставуваат заедно со нивното незнаење и несериозност.
Таравари и поранешните сопартијци на Мендух Тачи кои создадоа фракција во ДПА, од стравот од претрпување на петтиот пораз по ред како фракција или седумнаесети како доживотни губитници од 2002 година, бараат помош и спас тропајќи на сите можни врати, и на имагинарните, затоа што немаат храброст за да се соочуваат директно.
Вие барате гласови за да уривате, а не да градите, за да поразите а не да победите, за да уништите а не да создадете, за лошо а не за добро.
Движењето за Реформи на ДПА доколку не се дистанцира и не ја осуди лагата, измамата и незнаењето на нејзиниот функционер, Арбен Таравари, тогаш е соработник во потикнување на раздор помеѓу граѓаните и оваа клевета ја пласира за да им послужи на нивниот идеолошки и коалициски партнер, слично како со таканаречената “Тиранска платформа” се вели во соопштението од ДУИ.
