ДИК: На референдумот до 15 часот излегле 334.075 гласачи
Излезеноста на граѓаните на денешниот референдум до 15 часот е 22,56 отсто од вкупно запишаните во Избирачкиот список или 334.075 граѓани, соопшти претседателот на ДИК Оливер Дерковски.
Денот се одвива во истата атмосфера како и досега и сакам да се заблагодарам на граѓаните за демократската атмосфера, рече Деркоски на прес-конференција.
Најголем дел од приговорите за кои решавале во ДИК биле за граѓани кои од различни причини ги нема во Избирачкиот список.
