Велосипедист бил тешко повреден откако бил прегазен од автомобил, вчера во кавадаречкото село Ваташа.
Според полицијата сообраќајката се случила во 18.40 часот на улицата Страшо Пинџур во Ваташа.Аавтомобил „форд фокус“ со кавадаречки регистарски ознаки, управуван од Л.Ѓ.(31) од Кавадарци, удрил во велосипед управуван од Ј.А.(66) од Кавадарци.
Ј.А. се здобил со тешки повреди и бил пренесен во болницата во Кавадарци. Извршен бил увид од увидна екипа од Полициската станица Кавадарци.
