Албанските лагуни Караваста, Нарта, а сѐ почесто и Куна Вејн, се полни со фламинга поради што бројот на посетители на овие крајбрежни места е зголемен, пишува агенцијата АТА.
Лагуната Нарта е позната и со името Куќа за фламингата поради нејзината географска локација и длабочина на водата, соопшти агенцијата.
Разиграните фламинга претставуваат природен спектакл за локалните и странските туристи, а благодарение на забраната за лов, фауната во оваа област станува сè побогата.
https://www.facebook.com/klosiblendi/videos/565933157212069/?t=0
Албанскиот министер за туризам и животна средина, Бленди Клоси, на „Фејсбук“ објави снимка од фламинга во Звернец и додаде дека тие се дополнителна атракција за туристите што сакаат да набљудуваат птици.
„Ефектите од мораториумот, кои се потврдуваат и со растечките бројки според последните записи за птици, ги трансформираат албанските мочуришта во туристички дестинации со богатата фауна и прекрасната природа“, истакнува Клоси.
