Рано утрово во кошаркарската НБА-лига се одиграа четири интересни мечеви во кои две победи оставрија домаќините и истотолку гостите. Младиот словенечки интеранционалец Лука Дончиќ за кого се најавуваше дека ја обновил повредата се појави во тимот Далас, и го предовдеше до гостински триумф во Лос Анџелес против Клиперс остварен во продолжение (104:112). Далас во регуларниот дел прокоцкаа предност во финишот, а Клиперс со тројка на Пол Џорџ во последната секунда се избори за продолжение. Во петте дополнителни минути, Порзингис и Дончиќ обезбедија предност за својот тим од 9-1 и триумф. Најефикасен во натпреварот беше Џексонод Клиперси со 31 поен, Порзингис постигна 30, а Дончиќ заврши со 26 поени.
Њујорк го совладаа ЛА Лејкерс (106:100) во чиј редови поради казна од еден натпревар неиграње недостасуваше Леброн Џејмс. Двата најпопуларни тима во НБА се сретнаа во „Медисон сквер гарден“, каде навивачите со овации го поздравија Кармело Ентони. На Лејкерс не им помогна трипл-дабл скорот на Расел Вестбрук од 31 поен, 13 скока и 10 асистенции. Фурние во редовите на Њујорк стигна до 26.
Портланд предводен од Меколум (32 поени) и Лилард (25 поени) дојде до четвртата победа по ред совладувајќи го Денвер (119:100). Во редовите на Денвер недостасуваше Никола Јокиќ, па епилогот беше петти последователен пораз.
НБА Резултати: Детроит – Мајами 92:100; Њујорк – Л.А.Лејкерс 106:100; Портланд – Денвер 119:100; Л.А.Клиперс – Далас 104:112 (пп)
