Скопје вечерва го живее првиот ден без полициски час по речиси 70 дена забрана за движење во вечерните часови. Се чини дека скопјани се навикнаа на ограничувањата, па некако срамежливо излегоа од своите домови во вечерните часови.
Најголем дел, според веќе вообичаената рутина ги извршија набавките и по прошетките се прибраа во своите домови со првиот мрак. Дали ќе продолжат со исто темпи или чекаат да се отворат кафулињата и рестораните ќе видиме уште утре и викендот што следи.
