Припадниците на италијанската крајбрежна стража и нуркачите успеале да го ослободат китот што се заплеткал во рибарските мрежи во близина на островот Липари, северно од Сицилија.
Биолозите од организацијата за заштита на животните „Филикуди“ забележале кит кој се борел да излезе од рибарските мрежи и ја известиле крајбрежната стража.
На нуркачите им биле потребни два часа за да ги пресечат сите мрежи, за кои велат дека се нелегално поставени во областа, а кои биле завиткани околу морското животно.
Китот поминал неповреден, а по акцијата на спасување, тој се придружил на групата од три китови кои го гледале спасувањето одблизу.
