Едно лице е убиено, а седум се повредени во пукање на државниот универзитет Грамблинг во Луизијана, САД, што се случи вчера. Ова е втор смртоносен напад во кампусот за помалку од една недела.
Предавањата се откажани и воведен е полициски час од 21:30 до 6 часот до дополнително известување, соопшти универзитетот.
Пукањето се случи само неколку дена откако маж, кој не бил студент, застрела еден студент, соопшти универзитетот.
Според локалните медиуми, двата напади не се поврзани.
