Градоначалникот на општина Центар, Саша Богдановиќ, по реакцијата на граѓаните дека еден од најдобрите поранешни кошаркари и сегашен претседател на Кошаркарската федерација на Македонија, Перо Антиќ, непрописно е паркиран, објави фотографии како пајак го дига возилото на Антиќ.
Сепак, ова не е првпат граѓаните да се жалат од поранешниот НБА-играч. Претходно во август на Твитер, граѓани објавуваа дека тој во близина на просториите на КФМ често непрописно се паркира, а според лица кои често се движат во тој дел од градот, Антиќ по реакцијата прекинал да го паркира својот џип на таа локација.
