Алијансата за Албанците повторно побара обвинител од ЕУ откако во медиумите денеска се појави видео за случајот „Рекет”.
-Бараме под итно да се превземат сите законски мерки за да се расчисти целосно случајот и да се прошири истрагата. Истовремено бараме да се отвораат истраги за сите предмети кои што се во предистражна постапка, како што е предметот ,,Пациент” и други. Случајот ,,рекет” е доволен доказ дека сите тие случаи се пропаднати поради ,,рекет” додека видео-матерјалот кој што е објавен денес го потврдува тоа. Алијансата за Албанците уште еднаш го повторува барањето за ,,Обвинител од ЕУ” како решение за излез од ќорсокакот во кој е најден нашиот правосуден систем, велат од АА.
