January 17, 2019 11:12
Македонија

Бачев: Тројца пратеници се заклучени во Собрание и врз нив се врши невиден притисок

Тројца пратеници се заклучени во Собранието каде што е присутен и локалниот раководител на ЦИА, Дејвид Стивенсон, и врз нив се врши невиден притисок за да гласаат за уставните измени, обвини лидерот на Единствена Македонија, Јанко Бачев.

Имаме информации дека седницата е одложена бидејќи тројца пратеници не сакаат да ги прифатат барањата на Беса и одбиле да гласаат, сега тие тројца пратеници се заклучени во Собранието, каде што е дојден и Дејвид Стивенсон и врз нив се врши невиден притисок, изјави пред демонстрантите Јанко Бачев, претседателот на Единствена Македонија.

Тој побара итно да дојде јавниот обвинител и да даде налог за апсење бидејќи се врши притисок врз тројца народни избраници.

Дополнително, Бачев го повика и претседателот Ѓорге Иванов да дојде и да не молчи бидејќи, како што рече, во Собранието се случува државен удар.

Група граѓани и покрај студното време и снегот и денеска излегоа на протест пред Собранието на Република Македонија против уставните измени. Тие велат дека протестот е за одбрана на македонското име, идентитетот, историјата и традицијата на македонскиот народ и против, како што наведуваат, „најголемото национално предавство”.

На протестот учествуваат членови на граѓанските здруженија „Македонија блокира”, „Христијанско братство”, партијата „Единствена Македонија”, „Твордокорни”.

Улицата пред Собранието е целосно блокирана, а се забележува и зголемено присуство на полицијата.

Related posts

Променливо облачно, попладне дожд и грмежи

24info

Заврши собраниската расправа за Предлог законот за отпис на камати за наплата на долгови

24news

Здружението кое го донираше Ќосето должи 600.000 евра за донациите

24news