Соопштение до јавноста, реакција на прес конференцијата на Костадин Костадинов
„Неспособноста, расипништвото и корумпираноста на Заев и неговите соработници, не смее да се плаќа со пари од џебот на работниците кои едвај преживуваат. СДСМ безмилосно ги троши парите на граѓаните, и најавува кратење на платите на работниците и администрацијата.
Вистината од далеку се гледа, без Костадин Костадинов да шири лаги од партиската говорница.
Вистината е дека само за четири дена платени се 8 милиони денари од власта за репрезентации, услуги во ресторани и патувања.
Власта дури не штедела ниту на трошоци на патувања во земјава и странство. Потрошени се 96.843 евра за патни трошоци, сместувања, хранарина и дневници.
Владата на Република Македонија предводена од СДСМ цел мандат го лаже народот дека државата блеска, а по само три седмици од појавувањето на коронавирусот, македонската економија доживува колапс.
За жал додека здравствените работници се соочуваат со огромни недостатоци на медицински материјали како респиратори, маски и ракавици, Зоран Заев сака да ги скрати платите на работниците кои едвај го поминуваат месецот.
Зоран Заев и СДСМ ја понижија, омаловажија и опустошија Македонија, доаѓа времето кога ВМРО-ДПМНЕ повторно ќе ги направи граѓаните и Македонија горди.“
