Нашето тело природно ја регулира телесната температура. Кога е многу ладно, организмот ги штити виталните органи со намалување на протокот на крв кон периферните делови – дланките и стапалата, кои поради тоа стануваат поладни. Кај некои луѓе ова е природна состојба и во топли периоди, што бара дополнителна заштита и загревање.
Сепак, ладните дланки и стапала може да укажуваат и на здравствени проблеми, како анемија, срцеви заболувања, дијабетес, хипотироидизам, Рејнов синдром, или недостиг на витамин Б12. Доколку неодамна сте ја забележале оваа појава, консултацијата со лекар е од голема корист.
Дишењето како решение
Можеби не сте знаеле дека техниката на дишење значително влијае на циркулацијата. Брзото и плитко дишење ги собира крвните садови, додека бавното и длабоко дишење преку нос го ослободува азот оксид, кој помага за подобар проток на крв и снабдување на клетките со кислород.
Пребрзото дишење доведува до прекумерно ослободување на јаглерод диоксид, што може да ја наруши pH-вредноста на крвта и да го намали нивото на хемоглобин, што дополнително го влошува проблемот со ладни екстремитети.
Што можете да направите?
Повеќепати во денот потсетувајте се да дишете побавно и подлабоко. Ова не само што ќе помогне за потопли дланки и стапала, туку ќе придонесе и за подобрување на многу други телесни процеси.
