Skip to main content
Хроника

Завршила во болница: Работничка повредена во велешка фабрика

28/03/2025  12:53

Во СВР Велес синоќа во 23:20 часот било пријавено дека во Општа болница Велес со тешки телесни повреди била донесена 49-годишната Ј.А. од Велес.

– Според пријавеното, жената се здобила со повредите при извршување работни задачи во фабрика во Велес, информира денеска портпаролот на СВР Велес Биљана Ѓаковска, која појасни дека бил известен трудов инспектор.

Како што информира за МИА д-р Билјана Босилкова, портпарол на ЈЗУ Општа болница во Велес, по направени рендген снимања кај пациентката била констатирана фрактура-скршеница на лев рачен зглоб, повредета била санирана и раката ставена во гипс и била пуштена на понатамошно домашно лекување.