Skip to main content
Македонија

Во Струмица се одржа свечена литија со иконата на Пресвета Богородица Брзопослушничка

26/04/2025  13:54

Во Струмица денеска се одржа свечена литија со иконата на Пресвета Богородица Брзопослушничка, која на Градскиот плоштад во Струмица беше донесена од храмот „Свети петнаесет Тивериополски свештеномаченици“.

– Излишни се сите зборови во оваа светла седмица, којашто ние ја сметаме како еден ден кој не завршува и тоа не е било каков ден, туку осмиот невечерен ден, ден којшто нема да дочека ден, кој секогаш ќе биде осветлуван од светлината на Христовото воскресение. Со Христос воскресе ние кажуваме се што имаме да кажеме. Тој восклик е експресија на сите наши очекувања, на сите наши надежи, смисла на нашето постоење, на нашиот живот, оти ако Христос не воскреснеше залудна ќе беше нашата вера и ние ќе бевме едни од најбедните луѓе на овој свет, рече Епископот Стобиски Јаков.

На Литијата и претходеше богослужба во манастирот „Свети Петнаесет Тивериополски свештеномаченици“. По завршувањето на молебенот Иконата беше однесена во црквата „Свети Григориј Палама и Свети великомаченик Димитриј“, каде е оставена за поклонение на верниците.