Skip to main content
Свет

Во израелските воздушни напади врз Газа загинаа најмалку 15 луѓе, меѓу кои и четворица новинари

25/08/2025  13:28

Во израелски напад врз болницата „Насер“ во Газа загинаа најмалку 15 лица, вклучувајќи четворица новинари, соопштија денес палестинските здравствени претставници. Меѓу убиените е снимателот Хосам ал-Масри, соработник на „Ројтерс“.

Сведоците за „Ројтерс“ изјавија дека вториот напад се случил кога спасувачите, новинарите и цивилите се собрале на местото на првиот напад.

Здравствените власти во Газа изјавија дека преостанатите тројца убиени новинари се Маријам Абу Дага, Мохамед Салама и Моаз Абу Таха. Меѓу загинатите е и еден спасувач.

Израелската војска и канцеларијата на премиерот Бенјамин Нетанјаху сè уште не дале коментар за нападите врз болниците.