Бразилскиот фудбалер и играч на Реал Мадрид за клупската телевизија изјави дека сака да остане во Реал Мадрид уште многу години, со што ги демантираше гласините за преселба во Саудиска Арабија.
Винисиус сакаше да ги демантира наводите на шпанските медиуми дека добил понуда од саудиски клуб.
„Најважно ми е да продолжам да пишувам историја овде. Се надевам дека ќе останам во Реал уште многу години“, изјави 24-годишниот Бразилец.
Тој неодамна го постигна својот 100-ти гол за Реал, а со клубот освои две титули во Лигата на шампионите.
„Да се биде дел од историјата на клубот е многу тешко бидејќи пред мене имало толку многу играчи и легенди кои постигнале толку многу голови и освоиле толку многу титули. Да бидам во тоа друштво беше мојот сон“, додаде тој.
