Земјоделец од Крушево објави видеа на кои се гледа како непозати лица му крадат голема количина на тутун кој тој го спремал за продавање.
„Минатата година беше најтешката за мене и мојата фамилија – товар што никој друг не може да го почувствува под мојата кожа. Оваа година вложивме сè: мака, здравје, пари и трпение, со надеж дека трудот и надчовечката жртва ќе го покрие ланскиот непребол.
Ова што го гледате на ВИДЕАТА е кражба на голема количина на тутун. Ова е кражба на месеци натчовечки труд, надеж и иднина. Решив да ги објавувам видеата не од омраза, туку за да се разбуди свеста и емпатијата и да се охрабри полицијата што побрзо да ги пронајде сторителите“ пишува земјоделецот.
Тој упати апел доколку некој некој ги препознае лицата, да пријави во полиција.
„Земјоделецот не бара милостина – бара правда и почит за својот труд“ додаде тој.
