Skip to main content
Магазин

Весна Писаровиќ конечно доаѓа во Скопје – концерт што ќе ја врати магијата на 2000-тите!

10/11/2025  11:06


Една од најголемите хрватски поп ѕвезди, Весна Писаровиќ, конечно доаѓа во Македонија! На 28 март 2026 година, сцената на Филхармонија во Скопје ќе биде местото каде што нејзиниот препознатлив глас – симбол на една цела музичка ера – ќе одекне во вечер исполнета со емоции, носталгија и врвна музика.

По неколку години музичка пауза и живот во Берлин, каде што се посвети на џез музиката и настапуваше на престижни европски сцени, Весна се враќа на поп сцената посилна од кога било – со нова енергија и современ звук што го спојува нејзиниот препознатлив емоционален стил со свежи музички влијанија.

Во Скопје ќе ја слушнеме во најдоброто нејзино издание – со спој на големите хитови и нови изведби што ветуваат вечер исполнета со страст, топлина и спомени.

„Многу сум возбудена што конечно ќе пеам во Скопје! Македонија отсекогаш била земја со прекрасна публика и голема љубов кон музиката. Верувам дека оваа вечер ќе биде посебна – исполнета со емоции, спомени и топлина. Едвај чекам да се сретнеме и да ги отпееме песните кои нѐ поврзаа сите овие години“, вели Весна Писаровиќ, најавувајќи концерт што ќе биде едно од најемотивните музички доживувања во 2026 година.

Концертот на Весна Писаровиќ во Скопје е повеќе од настан – тоа е средба со времето кога секоја песна носеше своја приказна. Подгответе се за вечер која ќе ги разбуди сите сетила и ќе ја запише 2026 година како година на големото враќање на еден од најубавите гласови на Балканот.