Skip to main content
Економија

Тренчевска: Меѓународен монетарен фонд – важен партнер за економски раст и реформи

30/03/2026  18:38

Денеска, во Собранието се одржа средба на Комисијата за буџет и финансирање со претставниците на Мисијата на Меѓународниот монетарен фонд (ММФ), шефот на Мисијата, Ник Гигинешвили, Јуан Хијао и Фатон Сулејмани.

Шефот на Мисијата на ММФ, Ник Гигинешвили, ги истакна состојбите во стопанството на нашата земја, реформите во јавната администрација и пензискиот систем. Други прашања кои беа разгледани се и изградбата на Коридорот 8 и 10, монетарната политика, капиталните инвестиции, енергетскиот сектор, и воопшто влијанието на кризата врз економијата.

На крајот од средбата, беше изразена заедничка подготвеност за продолжување на конструктивниот дијалог и понатамошно продлабочување на соработката, со цел успешно справување со економските предизвици и обезбедување стабилен и одржлив економски развој на земјата.